Undir Sölutölur færðu yfirlit yfir sölu og pantanir úr vefversluninni. Þú getur valið tímabil, skoðað þróun yfir tíma og borið saman við annað tímabil.
1. Veldu tímabil
- Veldu Sölutölur í efstu valmyndinni.
- Opnaðu flipann Yfirlit.
- Veldu tímabil úr Tímabil, til dæmis Mánuður til dags eða Ár til dags.
- Undir Samanburður velurðu Fyrra tímabil eða Fyrra ár.
- Lestu dagsetningarnar fyrir ofan tölurnar til að staðfesta nákvæmlega hvaða tímabil eru borin saman.
Dagsetningalínan sýnir bæði valið tímabil og samanburðartímabilið. Notaðu hana sem viðmið þegar þú skiptir milli tímabila.
2. Skoðaðu helstu tölur
Efst birtast fjórir mælikvarðar:
- Heildar sölur
- Pantanir
- Meðaltal pantana
- Seldar vörur
Við tölurnar geta birst örvar og prósentur sem sýna hækkun eða lækkun í samanburðinum. Uppör og niðurör sýna stefnu breytingarinnar; prósentan er breyting, ekki upphæð.
Ekki gera ráð fyrir að Meðaltal pantana sé einfaldlega sýndar heildarsölur deilt með fjölda pantana. Útreikningsgrunnurinn þarf að vera þekktur áður en talan er borin saman við aðrar skýrslur.
3. Skoðaðu sölu yfir tíma
Í Sala yfir tíma velurðu milli Heildar sölur, Pantanir, Meðaltal pantana og Seldar vörur.
Lestu dagsetningar á lárétta ásnum og gildin á lóðrétta ásnum. Skjámyndir kerfisins sýna dagaskiptingu fyrir Mánuður til dags og mánaðaskiptingu fyrir Ár til dags.
Neðst í grafinu er rofinn Bera saman við fyrra tímabil fyrir samanburð í grafinu.
4. Skoðaðu nánari upplýsingar
Undir grafinu birtast Sendingarkostnaður, Vörur á pöntun og Ólíkar vörur.
Neðar er Mest seldu vörur, þar sem sjást meðal annars dálkarnir Vara, Seld stykki og Pantanir. Seld stykki og fjöldi pantana eru ólíkar stærðir; ein pöntun getur innihaldið fleiri en eitt stykki.
5. Aðrir flipar
- Uppruni pantana: Skoða niðurstöður eftir rás, uppruna, miðli eða herferð.
- Afsláttarkóðar: Skoða afsláttarupphæðir og notkun kóða.
- Gjafakort: Skoða núverandi stöðu gjafakorta og útgáfu og notkun á tímabili.
Ef tölur virðast ekki passa
Byrjaðu á að bera saman dagsetningar og hvaða mælikvarði er valinn. Mælikvarðar með svipuð heiti geta haft ólíkan útreikningsgrunn.
Ef þú þarft skýringu á því hvernig skattar, sendingarkostnaður, afslættir, endurgreiðslur eða pöntunarstöður teljast með skaltu senda fyrirspurn á adstod@kaktus.is með tímabili og heiti mælikvarðans.